BUTUAN CITY- Gipangonahan ni Jordan Clarkson ang New York Knicks human makatala og season-high nga 27 points, 17 niini gikan sa last 16 minutes, kung asa gitumba ang Utah Jazz, sa skor nga 134-117 sa Salt Lake City.
Human makakuha ang Jazz og 18 points sa first-half sa dula, mipakitang-gilas ang Knicks sa second half kung asa nahuman sa usa ka 53-27 run, kansa nagputol sa ilang duha ka managsunod nga kapildihan ug nagdala kanila sa 2-2 sa 5 ka dula nga road trip.
Gawas kang Clarkson, mingtampo usab sila Jalen Brunson og 28 points, OG Anunoby og 22 points, ug Karl-Anthony Towns og 21 points, samtang adunay 10 points usab si Mohamed Diawara gikan sa bench.
Sa pikas kampo, nag-una si Brice Sensabaugh sa Jazz nga adunay 29 points, gisundan nilan Ace Bailey (21 points), Kyle Filipowski (15 points), Keyonte George (14 points) ug Cody Williams (10 points).
Ang Jazz nagsugod sa kusog nga dula kansa nakatala pa og 14 points sa ilang unang 18 three-point attempts, apan minghinay sa last part sa dula kung asa nakatala lamang og 4 points sa last 18 shots gikan sa gawas sa arc, hinungdan sa ilang ika-17 nga kapildihan sa 22 games.
Samtang ang Knicks nakabalik ug nakuha ang ilang unang lead gikan 1st quarter sa skor nga 93-92 human ang free throws ni Anunoby, adiser gihuman ni Brunson sa usa ka three-point play.
