BUTUAN CITY – Giduso ni ni CIBAC Partylist Rep. Bro. Eddie Villanueva ang House Bill 8260 nga magbawal sa mga edad 16-anyos paubos nga makabaton og access sa social media platform sa Pilipinas.
Tumong sa iyang House Bill 8260 o “Social Media Protection for Minors Act nga mahilayo kini sa negatibong epekto sa mga social media.
Gipunto ni Villanueva nga daghang mga nasud na ang dunay susamang balaod sama sa Spain, Australia, France samtang sa Indonesia gisugdan na ang pagpatuman sa maong probisyon.
Sa ilalom sa sugyot, ang tanang edad 16-anyos paubos dili tugutang makabaton og mga account sa tanang social media platform sama sa Facebook, TikTok ug uban pa.
Obligahon ang mga social media platforms nga mag-deploy sa mga teknolohiya aron masayran kung menor-de-edad o dili ang tag-iya sa accounts para babagan kini o papason kung duna man.
Sigon ni Villanueva nga dunay panginahanglan aron mapalig-on ang sugyot balaodnon tungod sa kadelikado sa pagka-adik sa mga bata sa internet diin posibleng ma-expose ang mga niini sa mga bayolente, sexual content ug bisan sa online exploitation.
