BUTUAN CITY – Nagpadayon ang Israel pagpalupad og mga missile paingon sa Iran ug Lebanon target ang mga imprastraktura sa Hezbollah sa habagatang bahin sa Beirut.
Isip balos, gipadayag sa Iran nga naglusad sila og sunod-sunod nga pag-atake batok sa Israel ug sa mga target sa US sa Middle East.
Samtang gibutyag sa United States Central Command miingon nga ang ilang mga pwersa, nakaguba o nakapawala og 16 ka Iranian mine-laying ships, human nagpasidaan si Donald Trump nga dili magbutang og mga mina ang Iran sa Strait of Hormuz.
Una nang gibutyag sa hepe sa kapulisan sa Iran nga ang bisan kinsa nga mosulay og protesta batok sa gobyerno atubangon sa susamang paagi sa ilang pag-atubang sa mga kaaway.
Nanawagan usab sa katawhan sa Iran si Israeli Prime Minister Benjamin Netanyahu, nga tangtangon na ang Ayatollah regime aron makab-ot ang kagawasan.
Padayon ang pag-agi sa ubang Iranians sa border padulong sa Turkey kondiin sigon sa usa ka babaye, mura sila’g mamatay sa kahadlok dihang na-igo sa US ug Israeli strikes ang ilang lugar.
