BUTUAN CITY – Gipalagan nila Jasmine Curtis-Smith ug sa iyang inahan nga si Carmen Curtis, ang bastos nga pamahayag ni Quezon City Rep. Bong Suntay mahitungod kang Anne Curtis, nga iyang nalitok sa House hearing mahitungod sa impeachment case ni VP Sara Duterte.
Sigon ni Jasmine, ang insidente dili lang mahitungod sa usa ka celebrity, kundi nagsalamin sa padayon nag pagtrato sa kababayen-an isip “objects” sa katilingban nga gidominar sa kalalakin-an.
Sumala pa niini nga katungdanan sa mga opisyal nga ipataas ang lebel sa diskurso.
Gibatikos usab sa House Justice Committee ang nasangpit nga pamahayag samtang gihagit ni Quezon City Mayor Joy Belmonte si Suntay nga mangayu og pasaylo og molihok nga dunay dignidad.
Alayon niini, nangayu og pasaylo si Suntay human nabatikos ang iyang pamahayag mahitungod kang Anne Curtis apan gipamugos niyang “walay daotang intensyon” sa gigamit niyang analogy.
Pasabot pa niini nga usa ka “fictitious situation” lang ang iyang gigamit aron ipakita kung naunsa pagka-interpret ang mga pamahayag sa sayop nga konteksto.
Nagbasol matud pa siya kung dunay nasakitan ilabina ang mga kababayen-an ug gitumbok nga wala siya’y daotang tumong sa iyang gisulti.
Gibatikos si Suntay human niya gisulti ang pangalan sa aktres samtang gidepensahan ang “designated survivor” remark ni VP Sara Duterte sa House hearing.
