BUTUAN CITY- Human sa 12 ka tuig nga panag-uban, opisyal nang nagpakasal karong adlawa ang mga artista nga sila Kim Molina ug Jerald Napoles sa usa ka beach wedding kansa dugay na nilang gipangandoy.
Nagkaila ang duha sa “Rak of Aegis” niadtong 2012 ug na-engage sa usa ka theatrical proposal niadtong 2024. Gipahayag ni Kim ang kalipay nga natuman ang iyang damgo nga kasal, samtang si Jerald mingbutyag nga ang kasal mao ang sunod nga lakang aron tukuron ang pamilya.
Ang seremonya nga Kristiyano ang tema, adunay mga dagkong personalidad sa Viva Entertainment isip ninong ug ninang. Gipili nila ang petsa nga Marso 1 aron mapahimutang duol sa adlawng natawhan ni Jerald ug aron mas dali niyang mahinumduman ang wedding anniversary.
Sa ilang panag-istorya, gipakita sa duha ang dakong pasalamat sa suporta sa publiko ug ming-angkon nga ang ilang pagtuo ug panag-ampo matag gabii mao ang nagpalig-on sa ilang relasyon.
