BUTUAN CITY – Iduso sa US House Democrats ang usa ka imbestigasyon batuk sa US Justice Department (DOJ) tungod sa matud pa tinuyo nga pagtago sa mga dokumentong dunay unod nga sexual abuse claims batuk kang US President Donald Trump.
Giakusahan sa mga Democrats gikan sa House Oversight Committee ang administrasyon tungod sa maong isyu.
Kini human madiskubre nga dunay kapin 50 ka palid nga nawala gikan sa napublikar nga Epstein Files.
Ang mga missing records dunay sulod matud pang mga notes ug summaries gikan sa FBI interviews niadtong 2019 sa usa ka babayeng nag-akusa nga giabuso siya ni Trump niadtong mid-1980s sa dihang siya 13 hangtud 15 anyos pa lang.
Kanunay nga ginegar usab ni Trump ang mga pasangil.
Sumala sa top Democrat sa komite nga si Robert Garcia, mag-abli sila og parallel investigation aron bakwion ang mga dokumento.
Pasabot usab DOJ, wala nila gipapas ang mga files.
Ang mga wala gipublikar nga dokumento temporaryo lang matud pang gitanggal para sa redactions aron protektahan ang personally identifiable information sa biktima, o kaha gikonsidera nga privileged records.
