BUTUAN CITY – Nagtapok ang mga Butuanons sa Guingona Park sa sentrong bahin ning siyudad sa Butuan kaganina aron paghandom sa ika-40 nga anibersaryo sa EDSA People Power, ang adlaw dihang gipalagpot sa nagkahi-usang mga Filipino ang diktador nga si anhing Pangulong Ferdinand Marcos Sr, ang amahan sa atong Pangulong Ferdinand Marcos Jr.
Tema sa kalihukang gibansagang I-Tag 2.0, ang “Solidifying Democracy through Accountability and Love of Country… a continuing journey,” kansa gipangunahan mismo sa Diocese of Butuan.
Sa iyang pagpamulong, gipadayag ni Most Reverend Cosme Damian Almedilla, ang obispo sa Diocese of Butuan, nga kitang tanan , duna’y gahom sa atong kamot alang sa umalabot nga eleksyon kondiin ilyiang gidasig ang katawhan nga pinaagi sa usa ka maayong boto, atong ma-usab ang atong nasud padulong ngadto sa mas maayong kahimtang ug sitwasyon.
Iyang gipahinumduman nga ang matag-boto, usa ka moral responsibility rason nga atong i-exercise ang atong katungod sa pagbotar nga duna’y integridad ug gugma sa atong nasud pinaagi sa pagpili pg mga lider nga kayang mibarog sa kamatu-uran, hustisya ug kaayuhan sa kinabag-an.
