BUTUAN CITY- Gipangayo na usab ni kanhi President Rodrigo Duterte sa International Criminal Court kon ICC nga tugotan kining dili motambong sa gikatakdang hearing bahin sa iyang detention karong Biyernes Pebrero 27, 2026, pinaagi sa waiver nga gipirmahan ug gisumiter sa korte sa iyang legal team.
Sumala ni Duterte nga iyang gisaligan ang iyang mga abogado sa ICC aron kini maprotektahan ug dili usab matud pa niini gustong moduyog sa hearing pinaagi sa communication technoligy.
Sa laing bahin, sigon sa iyang kanhi legal counsel nga si Salvador Panelo nga ang prosekusyon nagpresentar lamang og mga “speculations ug hearsay” ug wala’y lig-on nga ebidensya batok sa kanhi presidente.
Gipadayag usab ni Panelo nga klaro ang depensa ni Atty. Nicolas Kaufman nga ang mga pamahayag ni Duterte kasagaran hyperbole ug estilo sa pagpanghadlok sa kriminal.
Gikwestyon usab ni Panelo ang hurisdiksyon sa ICC ug giinsist nga lig-on pa ang hustisya sa Pilipinas din nakapapriso na og mga presidente ug senador, gani wala’y basihanan nga mosulod ang ICC sa kaso.
