BUTUAN CITY- Mipakita og lahi nga proseso ang Confirmation of Charges hearing batok kang kanhi Presidente Rodrigo Duterte sa International Criminal Court (ICC) kumpara sa korte sa Pilipinas. Sa exklusibong pakighinabi sa Bombo Radyo Butuan Atty. Dennis Bacala, usa ka legal analyst, gibutyag niini nga ang ICC dili awtomatikong moabot sa trial ang kaso diin kinahanglan pa nga tan-awon sa mga hukom kung adunay “substantial grounds” aron ipadayon ang proseso.
Ang prosekusyon mao pa ang nagpresentar sa ebidensya aron makumbinsi ang ICC, samtang ang depensa wala pa’y aktibong papel gawas sa opening statement. Kung makita matud pa sa ICC nga kulang ang ebidensya, pwede nila manduan ang prosekusyon nga magsumite og dugang nga dokumento o testimonya.
Sumala pa niini, nga nagpakita sa kalainan ang proseso sa ICC ug sa lokal nga korte, diin sa Pilipinas awtomatikong moabot sa trial ang kaso human ma-issuehan og warrant of arrest, samtang ang ICC, gitan-aw usab ang mga alegasyon batok kang Duterte sukad pa sa iyang panahon isip mayor sa Davao hangtod sa pagka-presidente sa Pilipinas.
Dugang pa ni Atty. Bacala, nga posibleng mosangpot ngadto sa trial ang nagpadayong charges of hearing ni Duterte hilabi na nga ang ICC gusto matud pa ma-persecute ang kanhi Presidente. Gipasabot pa niini, nga kung mo-abot sa trial stage, ipresentar na ang mga testigo ug ma-identify sila aron masiguro ang katungod sa depensa nga makasugat sa ilang testimonya.
Matud pa ni Bacala, nga dili pwede nga sekreto ang proseso sa ICC hilabi na public trial kini ug kinahanglan nga makita ang kamatuoran sa mga pamahayag sa mga testigo.
Gi-isistar pa niini, nga base sa lead counsel ni Duterte nga si Atty. Nicholas Kaufman, tulo ang posibleng resulta dii una kung makumbinsi ang ICC nga adunay “substantial grounds,” ipadayon ang kaso, ika-duha kung kulang ang ebidensya, i-dismiss kini; ug ang ika-tulo kung kinahanglan pa og dugang nga ebidensya, pwede manduan ang prosekusyon nga mag-amend o magsumite og dugang nga dokumen, kansai nagpakita nga mas istrikto ug mas lawom ang proseso sa ICC kumpara sa lokal nga korte sa Pilipinas
