BUTUAN CITY- Gibutyag ni Oliver Trinante, usa ka negosyante nga ang sayong pag-anonsyo ni Vice President Sara Duterte nga modagan kini pagka Presidente sa 2028 Presidential Election usa ka estratehikong lihok tungod sa dungan nga pagsang-at sa impeachment complaint batok niini.
Sigon ni Trinante, nga ang maong anunsyo makapahimo sa mga moperma sa reklamo nga magduha‑duha, tungod kay wala pa’y laing klarong kandidato nga mahimong bet sa 2028. dugang pa niini, nga bisan sayo pa ang maong deklarasyon, tama lang ang timing kay nakasabay kini sa dagkong isyu sa impeachment ug presidential bid.
Sa iyang panan-aw, maayo ug maalamon ang pagdula ni VP Sara sa narrative, nga nakapahimo sa mga kontra nga magpakita og kakulba ug pagkawalay organisasyon sa ilang mga aksyon.
