BUTUAN CITY – Mismong si Vice President Sara Duterte ang nanguna sa pagpang-apod apod og hinabang ngadto sa mga survivors sa ug kabanay sa mga nakalas sa pagtiklaob sa M/V Trisha Kerstin 3 sa may Baluk-Baluk Islands sa Basilan atol sa iyang pagbisita sa Jolo, Sulu ug sa Zamboanga City kagahapon.
Nasayrang gikan sa The Netherlands sa pagbisita sa iyang amahang si kanhi Pangulong Rodrigo Duterte diin usab niya nadawat ang maong balita, midiretso na si VP Sara sa maong mga lugar og nagpa-abot sa iyang mga pahasubo ngadto sa nagbangutang pamilya ug mipadayag sa iyang pakighi-usa sa ilang nadangatan sa maong trahedya.
Ang uban matud pa sa na-ilo sa ilang mga mahal sa kinabuhi, nadawat na ang maong trahedya apan duna usa’y uban nga naghinaut nga makabalik pa kini kanilang buhi.
Gawas sa gipang-apod apod nga sinakong bugas, nakadawat usab og cash assistance ang mga survivors ug ang pamilya sa mga namatay ug kadtong nagpabiling missing.
Gipaniguro usab sa besi presidente nga dili muhunong ang kagamhanan sa paghatag og impormasyon ilabina niadtong pamilya nga hangtud karon, wala pa gihapon napalgan ang ilang mga kabanay.
