BUTUNA CITY- Nagpadayon na usab ang presensya sa diplomasiya sa Estados Unidos sa Venezuela human sa pagpahawa ni Nicolas Maduro pinaagi sa operasyon militar sa US, diin ang bag-ong charge d’affaires nga si Laura Dogu miabot sa Caracas niadtong Sabado sakay sa eroplano gikan Bogota.
Si Dogu, nga kaniadto ambasador sa Nicaragua ug Honduras, gitudlo niadtong miaging semana aron mangulo sa misyon samtang wala pa’y tibuok ambasador, gani ang Washington nag-andam sa pag-abli pag-usab sa embahada nga nagsira sukad pa sa 2019.
Si Maduro, nga nadakpan uban sa iyang asawa nga si Cilia Flores niadtong Enero 3 ug gidala sa New York aron atubangon ang kaso sa drug trafficking, nagbilin og gahum nga karon gikuptan ni Vice President Delcy Rodriguez, kansa gitugotan ni Presidente Donald Trump nga mahimong interim leader ubos sa pagtutok sa US, ilabi na aron masiguro ang access sa dagkong reserba sa lana sa Venezuela.
Gipuli si Dogu kang John McNamara, diin base sa Colombia ug bag-ohay lang miadto sa Caracas uban sa uban pang diplomat sa US aron susihon ang posibleng phased resumption sa operasyon sa embahada, samtang gibadlong ni Trump si Rodriguez nga posibleng mas grabe pa ang kapalaran kompara kang Maduro kon dili kini mosunod sa mga sugo sa US bahin sa reporma ug polisiya sa lana.
