BUTUAN CITY – Gikumpirma sa barangay council sa Barangay Urdaneta sa Makati City nga ang beauty queen nga si Michelle Dee nagpa-blotter batok sa drayber sa aktres nga si Rhian Ramos niadtong Enero 18 tungod sa alegasyong gisakitan ug gikawatan matud pa siya sa maong drayber.
Sa blotter ni Michelle, giikabutyag nga gisakitan siya sa drayber sa iyang tuo nga bukton nga nagbilin og lagom ingon man kinawrasan human sa giingong insidente matud pa sa pagpangawat sulod sa iyang condominium unit kondiin gikumpirma usab sa barangay desk officer ang lagom sa bukton ni Michelle.
Base sa blotter ni Michelle, misulay matud pa og ikyas ang drayber nga si alyas Totoy gikan sa maid’s quarters sa iyang condo unit nga anaa sa ika-39 nga andana, dayon saka pa sa gondola rope, agi sa laing unit hangtud nga nakaabot sa dalan apan nadakpan ra usab.
Apan base usab sa pamahayag sa drayber, kalit matud pa siyang gikuptan ug gikulata sa sulod kondiin nadungog pa niya nga tapuson na matud pa pa nila siya rason nga milukso siya gikan sa ika-39 nga andanang condo unit sa beauty queen.
Nahitabo kini napulo ka adlaw human sa pagkawala sa sensitibong hulagway nga gika-ingong anaa sulod sa usa ka ampao.
Madumdumang ning mi-aging adlaw, mi-adto si alyas Totoy sa National Bureau of Investigation uban si Volunteers Against Crime and Corruption (VACC) President Arsenio “Boy” Evangelista aron pormal nga magsang-at og reklamo batok kang Michelle, Rhian, ug beauty titlist usab nga si Samantha Panlilio tungod sa gika-ingong illegal detention ug torture nga gihimo ngadto kaniya.
Sumala ni NBI Spokesperson Atty. Palmer Mallari, kung adunay igo nga ebidensya o pruweba batok sa mga gireklamo, padalhan nila og subpoena sila Rhian, Michelle, ug Samantha.
Apan gipanghimakak kini sa legal counsel ni Michelle nga si Atty. Maggie Garduque dayong butyag nga atua sa Iloilo si Michelle niadtong Enero 17 ug naka-abot lang sa Makati City sa kaadlawon na sa Enero 18.
Gibutyag usab ni Garduque nga dili tukma ang gipasi-atab nga mga samad sa drayber ngadto sa iyang gipakita sa media.
Mahitungod sa qualified theft complaint, gipasabot sa abogado nga ang pag-dismiss niini procedural lamang, ug dili tungod kay walay basehan ang reklamo.
“The basis of the dismissal is not because there is no basis for it but because it was recommended to be filed under regular preliminary investigation proceedings,” dugang niya.
