BUTUAN CITY- Gipadayag ni House Majority Leader Ferdinand Alexander “Sandro” A. Marcos, nga gituyo matud pa niini ang pag-inhibit o molikay sa kinatibuk-ang proseso sa impeachment nga adunay kalabotan kang President Ferdinand Marcos Jr., nga iyang amahan.
Sumala ni Sandro, nga lakip usa sa iyang pag-inhibit ang Committee on Justice, kung asa ang papel niini limitado lang isip ex officio member tungod sa iyang posisyon isip Majority Leader.
Gipasi-ugda niini nga ang Committee on Justice nga mohimo sa katungdanan niini nga gawasnon ug independiente, subay sa gilatid sa Konstitusyon ug sa mga patakaran sa House of Representatives.
Sa umalabot nga Lunes, February 2,2026 gikatakdang magmetting ang komite sa pagpangulo ni Justice Committee Chairman Rep. Gerville Luistro. Tumong sa maong panagtigom mao ang i-consolidate ang duha ka gipasakang impeachment complaints.
