Nagtuya-tuya nga swing sa Cabadbaran’s Children Park, normal lang tungod sa pendulum effect niini – LGU

BUTUAN CITY – Mi-ani og lain-laing reaksyon online ang pagtuya-tuya sa usa ka swing sa  Children’s Park sa Cabadbaran City, lalawigans a Agusan del Norte, bisan walay tawo nga naggamit niini.

Apan giklaro ni Roselyn Exaure, tigpamaba sa Cabadbaran City government diha sa iyang social media post, nga kini usa ka scientific phenomena nga gitawag og pendulum effect, tungod kay pendulum swing man kini.

Iyang gipasabot nga normal lang kini tungod sa gravitational force sama sa gigamit sa grandfather clock, sa mga eksperimento sa physics, ug sa uban pang mga instrumento aron ipakita ang prinsipyo sa oscillation ug periodic motion.

Dugang pa niya, dili na kini angayang padak-on aron dili mahadlok ang mga bata nga musulod sa maong parke.