BUTUAN CITY- 5 ka patay’ng lawas nga gituohang gikan sa nawala nga barkong MBCA Amejara ang nakit-an, sumala ni Coast Guard Southeastern Mindanao Commander Commodore Philipps Soria kagahapon Sabado, Enero 24, 2026.
Sigon ni Soria, 4 ka patay’ng lawas ang unang narekober, ug bandang alas 11:30 ngadto sa 11:45 sa buntag, usa ka floating cadaver usab ang nakit-an sa mga piloto sa Coast Guard.
Gani gipukosan na karun sa Philippine Coast Guard kon PCG ang retrieval sa mga patay’ng lawas ug nakigtambayayong na usab sila sa Philippine Navy aron kuhaon ang mga niini.
Dugang pa ni Soria, nga padayon ang search and rescue operations aron makit-an ang mga posibleng nakaluwas.
Kahibaloan nga ang MBCA Amejara nawala niadtong Lunes, Enero 19, samtang minglayad sa Davao Gulf.
Sumala sa taho sa PCG niadtong Huwebes,3 ka crew members ug 12 pasahero pa ang nawala, samtang 1 ka crew member lang ang gikatahong nakaluwas.
