BUTUAN CITY – Mikunhod ang kaso sa dengue sa Eastern Visayas ning mi-aging tuig 2025 apan padayon gihapon ang pahimangno sa Department of Health kon DOH nga dili magkumpyansa ilabina nga unom ang namatay sa maong sakit.
Nasayrang tungod sa hugot nga anti-dengue campaign sa maong lalawigan, mikunhod og 78-porsiento ang kaso sa dengue kumpara sa tuig 2024. Sigon sa DOH-Region VIII, ang lalawigan sa Leyte nakatala og 992 ka mga kaso sa dengue nga gisundan sa lalawigan sa Samar nga duna’y 739, Southern Leyte-572; Northern Samar-471; Biliran-221; ug Eastern Samar – 171 nga sa kinatibuk-an, mi-abot ngadto sa 3,489 ka mga kaso.
Sigon ni Leonido Olobia, dengue program manager sa DOH-Eastern Visayas, bisan og ubos ang maong kaso apil ang nakalas, posible kining musaka karong tuiga.
