Publiko, gi-awhag sa NASA nga ipadala ang ilang pangalan aron madala nila sa ilang Artemis II Mission

BUTUAN CITY – Nag-awhag ang National Aeronautics and Space Administration (NASA) sa publiko nga ipadala ang ilang mga ngalan aron ma-apil sa Artemis II mission nga molupad palibot sa bulan kon Moon ug mobalik sa yuta.

Ang mga pangalan nga mapili mukuyog sa mga astronauts sa maong biyahe, nga usa ka dakong lakang sa padayon nga eksplorasyon sa bulan.

Kapin sa 1.5 milyones ka mga pangalan ang nakatakdang molupad palibot sa bulan sakay sa umaabot nga Artemis II mission, ug gidasig pa sa NASA ang publiko nga moapil gihapon.

Ang mga ngalan nga isumite online itipig digital sa usa ka memory card nga sakay sa Orion capsule, nga molabay og mga 7,400 kilometro ibabaw sa lunar surface atol sa ilang biyahe.