BUTUAN CITY – Midonar ang global superstar nga si Taylor Swift og milyunes dolyares nga kantidad ngadto sa mga charitable organizations sama sa Feeding America, ang American Heart Association, ug MusiCares, atol sa pagsugat sa Pasko.
Ang Feeding America, mao ang pinakadako nga non-profit nga organisasyon sa pagtabang sa kagutom sa Estados Unidos, pinaagi sa Instagram, nag-post ang CEO niini nga si Claire Babineaux-Fontenot nga nagpafayag sa ilang pasalamat sa donasyon ni Taylor.
Nakadawat usab ang American Heart Association og $1 milyon gikan ni Taylor, usa ka donasyon nga gihimo agi’g pasidungog sa iyang amahan, si Scott Swift.
Niadtong Agosto, gihisgutan ni Taylor ang quintuple bypass surgery sa iyang amahan atol sa iyang debut sa podcast sa iyang fiancé nga si Travis Kelce.
