BUTUAN CITY – Gikumpirma ni Supreme Court Spokesperson Atty. Camille Ting nga gisibog na ang Bangsamoro Autonomous Region in Muslim Mindanao kon BARMM parliamentary elections nga himuon unta karong Oktubre 13.
Kini tungod na usab sa gi-isyung Temporary Restraining Order kon TRO sa Supreme Court sa Bangsamoro Autonomous Act kon BAA 7.
Tungod niini, gidid-an na ang COMELEC ug ang BARMM paghimo og mga lakang nga may kalabutan sa pagpatuman sa maong eleksyon. Tungod niini, gideklara usab sa Korte Suprema nga unconstitutional ang BAA no. 58 .
Gibutyag usab ni Commission on Elections kon COMELEC chairman George Erwin Garcia, kulang na kaayo sila og panahon sa pagpangandam human gipagawas ang TRO sa Korte Suprema.
Okey lang unta matud pa kung duna pa sila’y usa ka buwan aron kini pangandaman apan 12 ka adlaw na lang ang nahabilin alang kaniya rason nga lisod na kining ipadayon.
