BUTUAN CITY – Napili karong bag-ong interim prime minister sa Nepal si kanhi Supreme Court chief Sushila Karki human ang duguong mga protesta batok sa korapsyon nga miresulta sa pagpahawa sa gobyerno sa mga tag-as nga opisyal sa gobyerno.
Ang 73-anyos nga si Karki, nanumpa atol sa usa ka mubo nga seremonya, ug siya ang unang babaye nga mangulo sa maong kabus nga nasud sa Himalayas human ang kasabutan nga nakab-ot tali sa mga lider sa mga demonstrador.
Nasayrang kapin sa 50 ka mga tawo ang nangamatay atol sa engkwentro tali sa mga raliyesta og sa riot police ning semanaha lang nga mi-ulbo tungod sa pagbawal sa social media platforms ug sa grabeng kurapsyon sa ilang mga opisyal sa kagamhanan.
Tungod sa kasuko sa mga tawo, ilang gipangsunog ang mga government buildings apil na ang parlament building sa gobyerno sa kapital Kathmandu rason nga napugos si Prime Minister KP Sharma Oli sa pag-resign.
