BUTUAN CITY – Subling gikumperma ni Vice President Sara Duterte nga dili siya mutambong sa ika- upat nga State of The Nation Address kon SONA ni Pangulong Ferdinand Bongbong Marcos Jr. karong Hulyo 28.
Sigon sa Bise Presidente, aduna siya’y lakaw sa nasangpit nga adlaw, aron mubisita sa mga Overseas Filipino Workers kon OFWs sa South Korea.
Wala pa gipagawas sa Bise Presidente ang detalye sa iyang byahe, apan gipaniguro niining madungan kini sa SONA sa Presidente.
Una nang gi-kumperma sa Bise Presidente niadtong Hunyo nga dili siya motambong sa sa State of the Nation Address ni Presidente Marcos tungod kay wala man gihapon matud pay unod ang ipang-yagyag niini, rason nga mas maayo matud pang makig-uban siya sa mga Filipino ug makighisgot sa mga konkretong lakang alang sa kalambuan sa Pilipinas.
Subay sa mga eksperto, nagpakita lamang matud pa ang nasangpit nga lakang sa Bise Presidente sa nagkalawom nilang away tali ni Presidente Marcos Jr.
