BUTUAN CITY – Nominado si United States President President Donald Trump sa 2025 Nobel Peace Prize tungod sa importante matud pa niyang papel sa pag-broker sa ceasefire tali sa Israel ug Iran human ang 12 ka adlaw nga giyera.
Sigon sa report sa local news sa Amerika, si US Representative Buddy Carter ang nagduso og nominasyon ni Trump, kondiin sa iyang sulat sa Nobel Committee, gidayeg ni Carter ang administrasyon ni Trump nga nakatabang aron mapugngan ang mas lapad untang giyera sa Middle East.
Madumdumang nagsugod ang tensyon human ang pgpamomba sa Israel sa mga nuclear facilities ng Iran, nga gisundan sa pila ka adlaw nga binayluay og airstrikes ug pagsalmot sa Estados Unidos sa pagguba sa tulo ka mga nuclear facilities sa Iran, nga daling gibaslan sa maong nasud pinaagi sa pag-atake sa usa ka US base military sa Qatar.
Dugang pa ni Carter, nahimong yawe si Trump sa paspas nga pagsabot sa duha ka panig. Una nang gi-nominate si Trump ning tuig ni Rep. Darrell Issa tungod sa epekto sa iyang kada-ugan sa 2024 presidential elections samtang wala pa’y pamahayag ang Nobel Committee kalabot sa maong nominasyon.
