BUTUAN CITY – Human ang dili paborableng resulta sa May 12 midterm elections, gipanawagan ni Pangulong Ferdinand ‘Bongbong’ Marcos ang tanan niyang mga cabinet secretaries nga magsubmite sa ilang courtesy resignations, tungod kay gikapoy na matud pa ang katawhan sa away karon sa pulitika.
Gipadayag sa pangulo nga panahon na aron i-realign ang gobyerno base sa gusto ug gila-uman sa katawhang Filipino tungod kay dili na karon business as usual. Napadayag na matud pa sa mga tawo ang ilang gusto pinaagi sa gipili nilang mga mudumala sa nasud ug gila-uman sa tanan ang resulta ug dili ang pulitika ug labaw nga dili ang dispensa.
Nabati matud pa niya kini nga yangungo sa katawhan rason nga panahon na aron aksyunan ang gusto sa katawhang Filipino ug panahon na aron i-evaluate ang performance sa matag-departamento ug madetermina kung kinsa ang magpadayon pagserbisyo sa gi-recalibrate na nga mga prayuridad sa iyang administrasyon.
Wala matud pa’y kalabutan niini ang mga personalidad kondili ang performance, alignment, ug urgency, kondiin kadtong nakahatag og maayong serbisyo, iyang irekognisa rason nga natapos na karon ang panahon sa mga comfort zones.
Sigon sa Malacañang, ang moang lakang nagtimaan sa klarong transisyon gikan sa sayong bahin sa panggamhanan ngadto sa mas focused ug performance-driven approach.
Gipasabot sa presidente nga tumong sa review nga matumbok kung unsa nga mga ahensya ang pakyas pagkab-ot sa ilang mga targets, ilabina s apaghatag og mga episyenteng serbisyo nga wala’y kurapsyon.
