BUTUAN CITY – Mapasigarbuhong gipahibalo ni Atty. Jason Balais, ang regional director sa Department of Labor and Employment kon DOLE-Caraga nga sugod karong adlawa, dugangan na usab og ₱20.00 ang inadlaw nga suhulan sa mga minimum wage earners.
Kini tungod kay epektibo na karong adlawa, Mayo 1, Labor Day, ang pagpatuman sa ikaduhang tranche sa implementasyon sa Wage Order No. RXIII-19 nga gi-aprubahan sa Regional Tripartite Wages and Productivity Board kon RTWPB-Caraga kansa nagmando sa mga employers nga tas-an og ₱50.00 ang minimum wage dinhi sa rehiyon.
Ilalom sa maong kamanduan, ipatuman ang maong usbaw sa duha ka tranches, kondiin ang unang tranche nga ₱30.00, gipatuman niadtong Enero 2 ning tuiga rason nga ning adlawa usab ikaduhang tranche.
Tungod niini, ang daily minimum wage rates sa tanang sektor sa Caraga Region XIII, ₱435.00 na gikan sa kasamtangang ₱415.00
