BUTUAN CITY – Gikumpirma ni International Criminal Court kon ICC Prosecutor Karim Khan nga gipakita na nila ang unang hugna sa ebidensya ngadto sa defense team ni kanhi Pangulong Rodrigo Duterte.
Sa tulo ka palid nga komunikasyon ngadto sa ICC Pre-Trial Chamber I, gipadayag ni Khan nga ila nang gipakita ngadto sa defense team ang gika-ingong 181 ka mga items nga naglangkob sa materyal nga nakalatid sa warrant of arrest batuk kang Duterte kondiin ang nasangpit nga ebidensya, gi-tag isip confidential ug gipakita lang sa duha ka partido.
Madumdumang atol sa initial appearance hearing sa kanhi pangulo niadtong Marso 14, gimanduan sa ICC Pre-Trial Chamber I ang prosecutor nga sugdan na ang pagpakita sa mga impormasyon nga maoy gibasehan sa gi-isyung warrant of arrest ug kompletuhon ang maong disclosure na musunod nga pito ka mga adlaw.
Sa lahi usab nga kamanduan niadtong Marso 21, gimanduan usab sa mga huwis ang prosecutor nga muhatag sa ilang mga observations ug mutubag sa pipila ka mga pangutana kalabot sa ebidensya ug mga testigo nga gusto nilang ipresenta batuk kang Duterte.
Subay kini sa “disclosure of evidence” process, nga maoy magsiguro nga ang suspetsado, gipahibalo sa ebidensya nga maoy saligan sa proseksyon atol unya sa confirmation of charges hearing, nga gitakda sa Septembre 23 ning tuiga.
Alayon niini, gi-imbitahan usab ang kampo ni Duterte, paghatag sa ilang mga obserbasyon ug tubagon ang pipila ka mga preliminary questions adiser ang confirmation hearing.
