BUTUAN CITY – Gikumpirma sa kapulisan sa Naga City, lalawigan sa Cebu nga gibalhin na sa Vicente Sotto Medical Center kaganinang alas-4:00 ang takna sa kaadlawon gikan sa Cebu South Medical Center sa Talisay City, ang 32-anyos nga si Carlo Denata Camporedondo, ang mipatay sa iyang ka-ipon ug duha ka mga anak sa may Purok Kamanggahan, Sitio Ugan, Barangay Lutac, sa Naga City.
Wala pa gikabutyag ang hinungdan niini apan una nang nanawagan og mga blood donors, ang medical staff sa unang ospital nga gidad-an kaniya tungod sa kadaghan sa dugo nga mi-awas gikan sa iyang na-angkong mga samad-pinusilan sa iyang tiyan ug tiil atol sa kapin usa ka oras nga paggukod kaniya sa mga pulis human misibat.
Sa pagkakaron, gipasakaan na kini og kaso rason nga gipaningkamutan sa mga otoridad nga mabuhi kini aron atubangon gayod niya ang mga salaud nga iyang nahimo.
