BUTUAN CITY – Gi-akusahan ang usa ka Australian influencer nga mihilo sa iyang batang babaye aron lang makakuha og daghang donasyon og modaghan usab ang online followers.
Nasayrang gi-angkon sa babaye sa Queensland nga ginapakita ang iyang anak diha sa socia media nga masakiton apan gi-alegahan sa mga detectives nga giguyod niini ang iyang one-year-old nga anak og gikuhaan sa video nga anaa sa hilabihan ka-stress og kasakit.
Gipaabot sa mga Doctors ang maong alarma niadtong Oktubre sa dihang na-admit sa hospital ang bata tungod sa seryosong medical nga kahimtang sa panglawas. Human sa pila ka bulan nga imbestigasyon, gikasuhan ang 34-anyos nga babaye og torture, pagpa-inom og hila, og pag-abuso sa bata.
Sigon ni Queensland Police Det Insp Paul Dalton nga tali sa Agosto og Oktubre gipa-inom sa babaye nga gikan sa Sunshine Coast region ang iyang anak og mga tambal nga walay resita sa doctor lakip na ang pagpa-inom og mga salin nga tambal nga alang sa ubang diha sa iyang panimalay.
Bag-ohay lang migawas sa imbestigasyon nga gituyo sa inahan nga pa-imnon og bisan unsang tambal ang anak aron masakit og daghan na unyay malooy diha sa social media diin nakatigum kini og sobra sa 37-mil dolyares gikan sa GoFundMe donations gawas pa sa pagpadaghan sa followers.
Karung adlawa taralon na ang maong inahan sa korte sa Brisbane.
