BUTUAN CITY – Misaka na ngadto sa 14 ang death toll sa magnitude 7.3 nga linog nga mitay-og sa Vanuatu tungod sa padayong pagsuhid sa mga search teams sa nagtapun-og nga mga tipaka sa nahugmak nga mga dakbalay. Kapin usab sa 200 ang gitambalan tungod sa na-angkon nilang mga injuries, samtang padayon usab nga nasinatian ang mga aftershocks.
Apil sa nadamyos sa kuosg nga linog ang mga buildings, apil na ang mga embahada sa Estados Unidos, France, United Kingdom ug New Zealand samtang putol usab ang linya sa ilang kuryente ug mga mobile services.
Gideklara na sa Vanuatu ang pito ka adlaw nga state of emergency aron malimitahan ang paglihok-lihok sa publiko samtang nagpadayon ang search and relief operations. Sa mga namatay, upat ang namatay sa ospital sa capital city Port Vila, samtang unom tungod sa landslide, samtang ang laig upat, nahugmakan sa usa ka building.
Sigon sa UN Office for the Coordination of Humanitarian Affairs, gibana-banang mu-abot sa 116,000 ka mga tawo ang ‘apektado sa ngilngig nga impacts sa linog.
