BUTUAN CITY – Gitabangan karun sa Migrants Workers Office kon MWO sa Lebanon ang usa ka Overseas Filipino Workers kon OFW nga na-angol sa nagpadayong giyera sa Lebanon.
Sumala pa sa atong kababayan, nga naigo siya sa bato gikan sa building dool sa iyang gipuy-an human kini nahugmak sa dihang naigo sa bomba. Hinoon gibutyag niining wala siya’y nadunggan nga dunay napatay sa maong insidente.
Tungod niini, hugot nga gipahimangnoan sa opisina ang mga Filipinos nga magbinantayon og mohimo sa angayang buhaton aron sila mabutang sa luwas.
Kini dayung aghat nga biyaan ang mga lugar nga gikonsiderang critical o delikao.
Gidasig usab kini nga mo-contact sa ilang employer og ipasabot nga gusto na kining mobalik sa Pilipinas tungod sa kada adlaw nga nagkagrabe ang sitwasyon sa Lebanon.
Pahibal-on usab ang Embassy o ang MWO kung nagkanahanglan kini og bisan unsang tabang o giya.
