BUTUAN CITY – Usa ka kalayo ang mikalat sa neonatal intensive care unit sa usa ka ospital sa amihanan nga bahin sa India, nga nagresulta sa pagkamatay sa 10 ka bag-ong panganak nga mga bata ug pagkasamad sa 16 ka uban pa.
Ang kalayo miulbo niadtong Biyernes sa usa ka ospital sa siyudad sa Jhansi, sa estado sa Uttar Pradesh.
Sumala sa mga opisyal, dali nga mikalat ang kalayo sa ward diin 55 ka mga bata ang ginatratar. Sigon ni Bimal Kumar Dubey, usa ka lokal nga opisyal, 45 ka mga bata ang naluwas ug gihatagan og medikal nga pag-atiman.
Wala pa dayon kini maklaro kung unsa ang hinungdan sa maong pagsiga sa kalayo.
Si Brajesh Pathak, ang deputy chief minister sa estado, mibisita sa ospital ug nakigkita sa mga pamilya niadtong Sabado.
Misaad siya ug suporta gikan sa gobyerno alang sa mga pamilya sa mga biktima ug nagsaad og usa ka makuti nga imbestigasyon.
Sigon pa niini, suaton nila kung kinsa ang mga responsable sa maong trahedya ug maghimo og hugot nga aksyon. Ang gobyerno mobarog uban sa mga pamilya sa niini nga lisod nga panahon.”
Pag-abot sa mga bumbero, ang ward puno na sa kalayo ug aso. Ang mga rescuers napugos nga mag abri sa mga bintana aron maabot ang mga bag-ong panganak nga mga bata.
Sumala sa mga nakakita sa maong panghitabo, ang operasyon sa pagluwas nagsugod mga 30 minutos human magsugod ang kalayo.
