Hugot nga siguridad, gipatuman sa mga swing states alang sa US presidential elections

BUTUAN CITY – Hugot nga siguridad ang gipatuman  karon  sa mga kapulisan, kasundaluhan ug security forces sa mga swing states sa Estados Unidos ilabina nga pila ka adlaw na lang, eleksyon na.

Kini tungod kay dinhi matud pa init ang dagan sa eleksyon suwahi niadtong mga estado nga ilado nang Republicans o kaha Democrats.

Sigon ni Bombo international correspondent Ferdinand Nakila, sukwahi matud pa ang eleksyon karon kumpara niadtong panahon nga midagan pa si Hillary Clinton.

Nakadugang pa niini ang social media nga nagsugnod og mga isyu nga kung dili sayron ang pikas panig, siguradong makakuha og suporta sa usa ka  kandidato, ma-Republican man  kini o Democrat.