BUTUAN CITY – Hugot nga gibatikos ni kanhi Congressman Atty. Harry Roque si Alliance of Concerned Teachers kon ACT partylist Rep. France Castro tungod sa ‘pagmalinis’ matud pa niini nga daw blind sa pagpadagan sa mga confidential funds.
Ang dili matud pa masabtan ni Roque ang kunuhay pagkwestyon ni Castro kung nganong gigamitan lang sa Office of the Vice President og military certification ang liquidation sa ilang confidential funds.
Birada ni Roque, dili angayang magpakalimpyo si Castro tungod kay usa usab siya ka kongresista kaniadto ug nasayod siya nga ang tanang mga kongesista ug mga senador, usa lang ka paragraph ang pirmahan kada-buwan alang sa milyunes pisos nga pundong makuha sa ilang buhatan gikan sa gobyerno, isip pamatuod nga gigasto nila kini alang sa pampublikong katuyuan.
