BUTUAN CITY – Gi-andam na ang mga tukmang kaso nga ipasaka batuk sa lima ka mga drug personalities nga nadakpan human sa gilusad nga drug buy-bust operation kaganinang alas-12:20 sa kaadlawon sa Purok 6, Brgy. Libertad ning siyudad sa Butuan,
Naila ang mga nadakpan nga sila Jorine Barrios Rafaela, alyas Ren-Ren, 34-anyos, ulitawo, pedicab driver; Kim Olalo Deloso, 30-anyos, ulitawo; Jaeson Muguerza, 28-anyos, ulitawo, pulos residente sa maong lugar.
Anaa pa sila Norman Noter Martinez, 23-anyos, ulitawo, grave digger, residente sa Purok 3 sa Brgy. Libertad ug Kristine Oropa Azura, 24-anyos, dalga, residente sa Purok Panaghi-usa, Brgy. Agusan Pequeño ning siyudad sa Butuan.
Nakuha gikan sa ilang posisyon ang 12-gramos sa suspected shabu nga gibana-banang mikantidad og P81,600.00, nagkada-iyang drug paraphernalia nga ila pang gigamit dihang nasapon nga nag-pot session ug duha ka touch screen nga smart phones.
Gikostudiyaa na sa Regional Drug Enforcement Unit kon RDEU-13 ang mga dinakpan ug ang nakumpiskang ebidensya nga gamiton sa pagpasaka og kaso batuk kanila.
