BUTUAN CITY – Hugot nga ginegar sa White House ang mga pagduda kalabot sa mental fitness ni United States President Joe Biden human nga gipadayag sa US president ngadto sa mga ka-ubanan niining Democrats nga panahon na aron hunungon na ang mga pagsaway.
Sa init nga news conference, ginegar ni White House press secretary Karine Jean-Pierre ang mga pagduda nga naghambin karon ang presidente ug wala gibutyag nga sakit.
Nasayrang ang 81-anyos nga presidente mihimo og pinasahing lakang pinaagi sa pagtawag sa morning show sa MSNBC ug nagbutyag nga dili siya mulakaw bisan asa.
Misamot ang pagduda sa mga tawo sa mental state ni Biden sa iyang dili maayo nga debate performance batuk kang Donald Trump niadtong Hunyo 28.
Gila-umang dili pa mulurang ang pagbatikos sa presidente ilabina nga mag-host siya og summit sa Washington alang sa mga lideres sa mga nasud nga sakop sa NATO.
Sa press conference, gipanghimakak ni Jean-Pierre ang mga espekulasyon nga gitambalan ang presidente sa Parkinson’s disease, ang sakit nga maoy hinungdan sa imitadong paglihok-lihok ug dili klarong sinultihan.
