BUTUAN CITY – Magdala ang Philippine Coast Guard (PCG) og replika sa Our Lady of Peace and Good Voyage ngadto sa Pag-asa Islands sa Palawan.
Kagahapon gipangunahan ni PCG head chaplain Fr. Lowie Palines ang selebrasyon sa misa sa Antipolo Cathedral nga gitawag nga International Shrine of Our Lady of Peace and Good Voyage kondiin iyang gihangyo ngadto sa mga deboto nga manalangin alang sa kalinaw ug proteksyon sa mga kadagatang hinatag sa Diyos.
Sigon ni Fr. Palines, mihangyo ang PCG og duha ka replica sa Our Lady of Peace and Good Voyage kondiin ang usa niini dalhon sa nagkada-iyang mga PCG headquarters ug coast guard stations sa tibuok nasud samtang ang usa, dalhon usab sa Pag-Asa Islands.
Pangunahan sa PCG ang paglibot sa mga imahe ug ang katpusang hugna niini mao ang pagdala na mismo sa imahe ngadto sa WPS.
