BUTUAN CITY – Gikatakdang molingkod sa ikatulong termino isip primero ministro si Narendra Modi human ang resulta sa election nga nagpakita nga gikabhangan og dako sa opposition ang iyang mga dumadapig.
Gisuportahan si Modi aron mahimong prime minister human sa tigum nga gihimo sa iyang National Democratic Alliance kon NDA.
Sumala sa gipagawas nga pamahayag sa NDA nga gipili nila si Modi isip ilang leader tungod kay komitido kini nga moserbisyu sa kabus, kababayen-an, kabatan-onan, mag-uuma og gidaug-daug nga lumulupyo sa India.
Wala nagtoo ang 73-anyos nga magdepende siya sa gagmay nga partido sa National Democratic Alliance aron maka-abot sa parliamentary majority human nga ang iyang kaugalingong partido napakyas sa 272 nga kinahanglan aron makaporma sa sunod gobyerno.
Gitakdang manumpa si Modi sa iyang ikatulong termino sulod ning semanaha.
Nasayran nga si Modi og ang iyang Hindu-nationalist Bharatiya Janata Party midaug og 240 ka lingkuranan human sa pila ka semana og seven-stage election, rasong kini ang pinakataas nga partido sa Lok Sabha,ang lower house sa India.
