BUTUAN CITY – Magbutang og embahada sa Pilipinas ang Ukraine karong tuiga. Kini ang gipaniguro ni Ukrainian President Volodymyr Zelensky sa ilang bilateral meeting kaganina ni Pangulong Ferdinand Marcos Jr. sa Malakanyang.
Sa ilang panagkita ni Pangulong Ferdinand Marcos Jr., gipadayag ni Zelensky ang iyang kalipay nga nabuksan na ang relasyon sa Pilipinas ug Ukraine.
Parehong gi-asdang sa duha ka lider ang kalinaw sa tagsa-tagsa ka nasud human nga padayong gi-atake sa Russia ang Ukraine samtang gi-harass usab sa China kansa ka-alyado sa Russia, ang Pilipinas human gipamugos ang ilang pag-angkon sa parte sa West Philippine Sea.
Una nang surpresang mi-abot si Zelenskyy sa Singapore kagahapon atol sa Shangri-La Dialogue diin una usab nga namahayag si Pangulong Bongbong Marcos niadtong Biyernes.
Base sa report, nakigtagbo ang Ukrainian President kang US defense secretary Lloyd Austin ug nangayo usab kini og suporta sa mga nasud sa Asya alang sa umalabot nga peace summit kondiin parehong gi-akusahan ang China ng gitabangan ang Russia aron madiskaril ang peace talks.
