-- ADVERTISEMENT --
BUTUAN CITY – Gi-imbestigahan na sa Bureau of Fire Protection ang hinungdan sa pagkasunog sa 19 ka mga sakyanan sulod sa parking lot extension sa Ninoy Aquino International Airport kon NAIA Terminal 3.
Ang Manila International Airport Authority (MIAA) Rescue and Firefighting Division (RFD) nakadawat og tawag pasado ala-1:28 kaganinang hapon nga nagpahibalo kalabot sa sunog hinungan nga ilang gi-dispatch ang lima ka mga firetrucks apil na ang MIAA Medical team.
Sa nakuhang report sa MIAA, nasuta nga nagsugod ang insidente gikan sa usa ka gamay nga grass fire kansa paspas nga ug milamoy sa nakaparada nga mga sakyanan.
Nadeklara ang fire out pasado alas-1:57 na sa hapon ug wala’y giatahong na-angol sa maong insidente.
