BUTUAN CITY – Nagpaulan si Joel Embiid og 23 puntos ug 15 ka rebounds, ignon man ning kamada usab si Nicolas Batum og unom ka 3-pointers alang sa pag-alsa niini sa Philadelphia 76ers sa score nga 105-104 kontra sa Miami Heat para sa nagapadayong NBA play in game karong adlawa, Miyerkules.
Alayon niini, gihuman usab ni Batum ang dula nga nagtangag og 20 puntos sa 7 of 12 shooting, ug ningdugang usab og 19 puntos si Tyrese Maxey.
Nitala usab si Kelly Oubre Jr. ug 11 points ug walo ka mga rebounds, ingon man siyam ka puntos ug 10 boards usab ang nalista kang Tobias Harris.
Kadudumang nalabwan sa 76ers ang Miami sa second half sa dula sa iskor nga 66-53, kansa maoy nahimong dalan nga mag-set up og Eastern Conference first round playoff series kontra sa second seed New York Knicks.
Ang Game 1 sa best of seven series kay himoon karong Sabado sa New York.
Sa pikas bahin, nasayang ra ang ambag ni Tyler Herro sa Miami nga 25 points ug siyam ka assists, ingon man ang 19 puntos, lima ka assists ug steals ni Jimmy Butler.
