BUTUAN CITY – Nagpadayon karon ang gihimong information dissemination sa mga personahe sa City Transportation and Traffic Management Department kon CTTMD alang sa na-amyendahan nang Transportation and Traffic Management Code ning siyudad sa Butuan.
Sigon ni Eldie David sa maong departamento, wala pa kini hingpit nga gipatuman tungod usab sa nagpadayon karong mga road repairs sa kadalanan sa sentrong bahin ning siyudad ilabina sa JC Aquino Avenue ug Montilla Bouevard, rason nga wala pa’y matigayong pagpang-isyu og citation tickets.
Gi-usa usa sa opisyal ang mga dalan ning siyudad nga gikonsiderang ‘no parking zone’ aron maminus-minusan ang kahuot sa dagan sa trapiko. KIni tungod kay giproblema na kini karon sa tanang hut-ong sa katilingban nga mubiyahe ug mu-agi sa sentrong bahin sa siyudad ilabina matag-rush hour. (Reports From: Bombo Lilibeth Ruiz)
