BUTUAN CITY- Ningretiro na sa natad sa paugnat sa kusog ang prominenteng swimmer sa Singapore nga si Joseph Schooling sa edad nga 28.
Sumala sa post ni Joseph sa iyahang Facebook page, dako matud pa ang iyahang pasalamat sa mga butang nga ning-abot sa iyang kinabuhi agi sa pag langoy, ingon man sa mga tawo ningsalig ug ning too kaniya. Dugang sa atleta nga dako ug kahimoan ang mga kadaugan ug kapildihan nga iyahang naagihan.
kahinumduman nga dunay panahon nga gidaruk ni Schooling ang boyhood hero niining si Michael Phelps alang sa 100 meters butterfly sa 2016 Rio Olympics sa oras nga 50.39 seconds.
Apan human sa maong kadaugan, naglisod na og balik sa podium ang nahisgutang atleta, diin ning abot pa sa punto nga nataktak pa kini sa Singapore swimming team alang sa Asian Games sa Hangzhou ning nakalabayng tuig human nga duna pay duha ka mga atlet sa ilahang nasod nga naka tala og mas paspas nga oras kaysa kaniya.
Saysay sa maong atlea nga taliwala pa man sa iyahang desisyon na pagretiro, parte na matud pa sa kung si kinsa siya ang pag langoy, asa nakahatag usab siya ug insperasyon ngadto sa ubang tawo nga abton ang ilahang pangandoy, taliwala sa mga pagsulay.
Moritero si Schooling nga magtangag og tulo ka mga Asian Games gold medals, 29 gikan sa Southeast Asian Games, ingon man usa gikan sa Olympics.
.
