BUTUAN CITY – Subling na-hacked ang official Facebook Page sa Philippine Coast Guard karong adlawa, atul sa Good Friday. Kini na ang ika-upat nga higayon ning tuiga nga gitarget ang social media ug website sa maong ahensya sa cyberattack.
Makita ang mga foreign film clips nga gipost sa Facebook account niini kansa nag sugod kaganinang udto.
Sa pagkutlo ning balita, wala pa marekober sa mga opesyales sa maong ahensya ang ilahang fb accounts – kansa duna nay 988,000 followers – diin makita gihapon ang mga clips sa kinatibuk-ang upat ka mga salida nga naka post pa sa wall sa maong Facebook Account.
Sigon ni PCG spokesperson Rear Adm. Armando Balilo nga nakuha matud pa sa mga hacker ang ilahang account bandang alas 12:30 sa hapon karong adlawa, Marso 29.
