BUTUAN CITY – Subling gipaniguro ni Philippine Coast Guard kon PCG spokesperson Commodore Jay Tarriela nga dili opsyon sa administrasyon ni Pangulong Ferdinand ‘Bongbong’ Marcos Jr., nga pasamuton ang tensyon sa West Philippine Sea.
Kini subay na sa matag-karon ug unya nga pangha-harass sa China Coast Guard sa mga barko sa Philippine Coast Guard higayong duna sila’y himuong resupply mission ilabina sa Ayungin Shoal diin naka-station ang mga sundalo sa Pilipinas nga maoy nagbantay sa nasangpit nga parte sa kadagatan.
Sa eksklusibong pakighinabi sa Bombo Radyo Butuan, gipadayag ni Commodore Tarriela nga ang bugtong gihimo lang nila karon mao ang pag-expose sa agresibong ginahimo sa China aron masayran dili lang sa tibuok Pilipinas kondili apil na sa international community.
Alayon niini, daghang mga nasud na ang nagpadayag og suporta sa Pilipinas ug nagkondena sa gihimo sa China rason nga daghang mga defense cooperations ang gipirahan ilabina sa mga nasud nga gibisita ni Pangulong Marcos.
Isip suporta sa armadong kusog sa nasud, misaad si Tarriela nga magpabilin ang ilang presensya sa West Philippine Sea bisan pa man sa dili maayong taras sa China.
Bisan matud pa sa padayong pagpang-bully sa China ug paghagit kanila, ipabilin usab nila ang kanunay nga pagpugong sa ilang temper ug mahimong propesyunal sa pagresolba sa maong isyu.
