BUTUAN CITY – Paningkamutan ni Marlon ‘Omar’ Labis, membro sa Board of Directors sa Agusan del Norte Electric Cooperative Incorporated kon ANECO nga mapugngan ang plano sa kooperatiba nga mag-donate og halos 3-milyunes pisos nga balor sa mga drop wires ingon man kilowatt meter kon metruhan ngadto sa Bangsamoro Autonomos Region in Muslim Mindanao kon BARMM.
Kini tungod sa kawala’y pag-apruba niini sa mga membrong konsumidor tungod kay wala man kini gipresenta kanila apan gi-aprubahan sa ilang board meeting niadtong Sabado.
Mitumaw matud pa ang proposal atol sa meeting sa Caraga Rural Electric Cooperatives Association kon CRECA nidtong Abril ning tuiga pagpanguna sa bag-ong lingkod nga administrador sa National Electrification Administration kon NEA.
Wala matud pa sila’y nahimo sa botasyon niadtong Sabado tungod kay sa 14 ka mga membro sa Board of Directors, tulo lang sila ang milbotar supak niini samtang usa ang mi-abstain.
Misaad kining babagan ang maong plano tungod sa kawala’y pundo nga kakuhaan niini gawas nga dili angayang sayun-sayunon lang pagbalhin ang surplus sa kooperatiba ngadto sa ailing cooperative nga gawas na sa ANECO.
Mas labaw na niya kining pugngan tungod kay bisan gani sa pagpundo sa panginahanglanon sa ilang distrito, limitado lang ang paghatag og libreng kagamitan ngadto sa mga magpataud nga membro, dili maayong tan-awon nga sayon-sayunon lang paghatag ang dakong kantidad sa maong kagamitan
