BUTUAN CITY – Laing record na usab ang natala ni Pinoy Aquaman ug swimming lawyer Ingemar Macarine isip unang tawo nga nakalangoy nga wala’y hunong ug wala’y mi-assist gikan sa Bugtong Island, munisipyo sa Pio V. Corpus ngadto na sa The Lagoon, sa Barangay Matayum, lungsod sa Cataingan, lalawigan sa Masbate.
Iyang nalangoy ang gilay-ong 10.5-kilometros sulod sa upat ka oras ug 22-minutos kansa usa sa pinakalisod niyang natabok tungod sa kusog nga bul-og sa tubig kansa iyang nalatasan pag-abot sa gilay-ong 1.5-kilometros.
Samtang nagkaduol matud pa siya sa lagoon, na-usab ang taob tungod kay mimugna kini og crisscrossing current.
Gisulayan niya ang paspas nga paglangoy apan ang kusog nga hangin gikan sa sidlakan maoy migubot sa tubig hinungdan nga mihinay ang iyang paglangoy.
Kini matud pa ang raso nga ang mga escort boats sa Phiippine Coast Guard ug sa PNP Maritime Group, naglisod sa paglawig sa iyang paglangoy.
Tumong sa iyang paglangoy ang pag-promote sa turismo, marine conservation ug healthy lifestyle sa lalawigan sa Masbate.
