BUTUAN CITY – Misaka og 109 porsiento ang natalang kaso sa dengue ning siyudad sa Butuan sa unang 5 ka semana ning tuiga kon gikan niadtong Enero 1 ngadto sa Pebrero 4.
Sumala ni Michiko De Jesus, tigpamaba sa Butuan City Government, mi-abot sa 48 ka kaso sa dengue sa maong panahon ang natala sa City Health Office nga mas taas kumpara sa 23 nga natala sa susamang panahon sa nakalabay nga tuig.
Sa maong ihap, us aka usa ka tuig pa lang nga batang babaye ang pinakabatang nataptan hinoon mapasalamaton ang opisyal nga wala’y natalang casualty.
Alayon niini, padayon usab ang pagpahigayon sa mga personahe sa City Health Office og 4S Method kon Search and destroy sa mga itloganan sa lamok, Self-protection gikan sa lamok nga nagdala og dengue virus, Seek early consultation sa doctors o uban pang health personnel, ug Support fogging o spraying sa mga hot spot areas.
Lakip usab sa padayong gi-implimentar sa City Health Office ang akbokasiya diha sa Barangay Ambago, Bancasi, Libertad og Villa Kananga diin natala ang taas nga kaso nga gi-apilan sa pagpanglimpyo.
