BUTUAN CITY – Tungod kay nadakpan na ang 17-anyos nga suspek sa pagpatay sa Pinay worker sa Kuwait, wala na’y nakitang babag ang Department of Migrant Workers (DMW) aron i-uli sa nasud ang patay’ng lawas sa biktima.
Gipadayag kini ni DMW Secretary Susan Ople, human ang pagka-aresto ug pag-angkon na sa suspek sa pagpatay sa 35-anyos nga Pinay nga si Jullebee Ranara kansa anak sa amo niini kondiin gila-uman na nila ang pagtaral gilayon sa suspek human nga gikuptan na sa law office nga konektado sa Department of Foreign Affairs ang maong kaso.
Padayon pa ang arrangement nga gihimo sa Philippine officials sa Kuwait alang sa repatriation sa patay’ng lawas sa biktima.
Nasayrang na-aresto gilayon sulod sa 24-oras ang suspek human narekober ang patay’ng lawas sa Pinay niadtong Domingo.
Gibutyag matud pa sa suspek nga buntis si Ranara dihang namatay kini base na sa autopsy.
Sa panig usab sa pamilya ni Ranara, gibutyag sa inahan niini nga dugay nang nagreklamo ang iyang anak tungod sa dili maayong pagtratar sa anak sa amo niini.
