BUTUAN CITY – Aminado si Bombo international correspondent Fr. Eugenio Badlomar direkta gikan sa Brazil nga tuma ang kasubo sa tibuok Brazil sa kapildihang na-angkon sa ilang national football team gikan sa mga kamot sa Croatia.
Kini ilabina nga daghan ang nagdahom nga mudaog sa quarter final game sa nagpadayong 2022 FIFA World Cup ang ilang koponan.
Sa eksklusibong pakighinabi sa Bombo Radyo Butuan, gipadayag ni Fr. Baldomar nga bisan siya nga usa ka Pinoy ug na-assign lang sa maong nasud, mibati usab siya sa kasub-anan sa mga Brazilians tungod kay sayang matud pa kaayo ang kahigayunan nga maka-abante na unta sila sa semi-final round.
Kampante matud pa kaayo ang Brazil nga sila ang mudaog sa maong dula ug gani gila-uman pang maka-agbat nila ang Argentina sa semi-final round.
Sa pagsugod pa lang sa dula, bibo na matud pa kaayo ang mga Brazilians tungod kay hayag na ang kada-ugan apan samtang nagkadugay ug dihang mi-iskor na ang Croatia, didto na sila naluya ilabina dihang naka-penalty kick na ang ka-away’ng nasud.
