BUTUAN CITY – Mi-abot sa 2,500 ka mga seals kon mga sea lions ang napalgang patay sa kabaybayunan sa Caspian Sea sa southern Russia ug sigon sa mga opisyal, wala’y senyales nga sila gipamatay.
Una nang gitaho ang pagkakaplag sa 700 ka mga patay nang mga sea lions apan migawas sa imbestigasyon nga mas daghan pa ang nangamatay.
Nasayrang ang mga Caspian seals gi-classify na isip endangered sa International Union for Conservation of Nature (IUCN) red list sukad niadtong tuig 2008.
Sigon ni Zaur Gapizov, head sa Caspian Environmental Protection Center, posibleng nangamatay ang maong mga seals, sulod na sa duha ka semana.
Wala usa’y ebidensya nga magpakitang gipamatay kini o kaha nakuha pinaagi sa mga fishing nets.
Nangolekta na ang mga eksperto og mga samples gikan sa mga seals ug sigon sa ministry, ang hinungdan sa ilang kamatayon gila-umang ma- establisar higayong mugawas na ang laboratory result.
